Lajistis Jeremi lage yon manda mennen vini dèyè vis-delege Mes Chaumette pou akizasyon vyòl ak kadejakè

01/05/20

Jeremi_____(TRiboLAND) Komiseè gouvènman Jeremi a, Me Pyram André lage yon manda “mennen vini” dèyè vis-delege Bomon an, Mes Chaumette ke yo akize pou zak vyòl, kadejakè ak sisinaj sou yon ti lèzanj 14 lane samdi ki te 2 janvye nan depatman Grandans lan.

Yon parèy desizyon legal antre nan kàd desizyon yon batri avoka (Thervil Pierrin, Applys Félix e Lacks Cadette) kap pare kou pou viktim nan e yo egzije ke yon mete aksyon piblik an mouvman kont presume kadejakè a, vis-delege Chaumette.

Avoka yo ki reprezante viktim nan ki se Lili, raple ke zak sisinaj Mesye Chaumette la tonbe anba lwa penal ki aktyèlman an vigè anndan peyi Dayiti.