Gwo panik kout zàm, plizyè moun blese nan yon pwogram “Nu-Look” nan vil Pòdpè
12/28/2021
Pòdpè_____(TRiboLAND) Gwo panik nan otèl “Rendez-Vous yèswà lendi 27 desanm 2021 an nan moman fòmasyon mizikal “Nu-Look” tap pèfòme pou popilasyon kapwàz la nan vil Pòdpè. Yon endividi rale zàm li, tire e blese plizyè patisipan nan anbyans bal yayad la.
Tassy Marc-Herode, 43 lane, rale zàm li apwè yon diskisyon ouvè katouch sou plizyè moun nan foul la. Konsa, pou pi piti, genyen 2 moun ki blese : Fedeline Beaubrun 23 lane ak Pierre Pierson 25 lane.
Fanmiy viktim yo te fin awoyo e tap fè bwàs pou te arive pase alenfinitif pwezume kriminèl Tassy. Granmesi pwezans ak ladrès polisye Marco alyàs “Mechan Dou” (DCPJ) ki te an sivil, arive dezame e minote agresè a; konsa, fanmiy viktim nan pa arive fè taso ak Tassy.
Marco te oblije rele yon backup kèk tan apwè e remèt Tassy bay komisarya vil Pòdpè pou swit legal yo. Kidonk, Tassy twouve li dèyè bawo nan moman sa, ap reflechi sou dràm ki pase nan djazz la.
