Nòdwès: Dezyèm joune aktivite klinik mobil Premyè Dàm repiblik la fini nan bout li

12\08\20

Pòdpè_____(TRiboLAND) Dezyèm joune aktivite konsiltasyon medikal anba inisyativ Premyè dàm Martine Moise nan tèt kole avèk lopital OFATMA ki te kore avèk Ministè Afè Sosyàl fini nan bout li jodi madi 8 desanm 2020 nan vil Pòdpè.

Dezyèm aktivite sa mete yon bout nan 2 jou koudjay asistans sante atravè klinik mobil pou popilasyon ki pi vilnerab yo nan site Kapwa Lamò. Plis pase 500 moun te nan liyn jous nan aprè midi jodi 8 desanm nan.

Yo te mase nan tout kwen nan lakou kay Frè Enstriksyon Kretyèn yo pou te resevwa kichòy tankou soulye valiz, jan sa te fèt nan premye joune a; alòske responsab yo te deja ap fè fas ak ensufizans resous pou te vanse ak distribisyon kichòy yo.

Konsa, te genyen anpil bouskilad ak dezòd e menm batay, yon nòt sal ki genyen enpak sou prosesis planifikasyon yon tèl aktivite ke premye dàm nan te initsye alokazyon fèt patronal Imakile Konsepsyon nan site Kapwa Lamò a.